Кылычбек Шакиров: “Кумтөр” боюнча жаңы түзүлгөн бирдиктүү ишканадан Кыргызстандын кирешеси 3 миллиард долларга жакын болот”

“Кыргызалтын” ААКынын башчысынын орун басары Кылычбек Шакиров бүгүн, 28-январдагы маалымат жыйынында “Кумтөр” боюнча жаңы түзүлгөн бирдиктүү ишканадан Кыргызстандын кирешеси 3 миллиард долларга жакын болот” деп билдирди.

Бирдиктүү ишканадан 2014-2026-жылдары жыл сайын 9 миллиард 558 миллион доллар киреше табуу күтүлүүдө. Анын ичинде операциялык чыгашаларга 3 миллиард 41 миллион доллар, капиталдык чыгымдарга - 2 миллиард 216 миллион доллар, салык - 1 миллиард 332 миллион доллар, лизингдин чыгашалары - 200 миллион доллар. Бардык чыгашаларды эске алганда ишканада 2 миллиард 770 миллион доллар каражат калат.

“Эки тарап 1 миллиард 385 миллион доллардан алат. Кыргызстанга 1 миллиард 332 миллион доллар салык катары түшөт. Жалпысынан киреше 2 миллиард 856 миллион долларга айланат. “Центерранын” кирешеси 1 миллиард 446 миллион доллар болуп калат”,- деди Шакиров.

Автор: Айпери Ганыжан кызы