Арменияда жергиликтүү убакыт боюнча саат 08:00дө кезектеги парламенттик шайлоодо добуш берүү башталды.
Армениянын Борбордук шайлоо комиссиясынын маалыматына ылайык, өлкөдө добуш берүү укугуна ээ болгон жарандардын саны 2 миллион 485 миң 851 адамды түзөт.
Өлкө боюнча жалпысынан 2005 шайлоо участогу ачылды.
Шайлоого 16 партия жана эки саясий блок катышууда. Парламентке өтүү үчүн партиялар үчүн 4 пайыздык босого белгиленген. Армениянын БШКсы шайлоонун акыркы жыйынтыктарын жети күндүн ичинде жарыялайт.