Өзбек мушкери Амирхан баласын кокусунан чочутуп алды (видео)

Социалдык тармактарда өзбекстандык мушкер Амирхан катышкан күлкүлүү видео кызуу талкуу жаратты. Анда спортчу эмоцияга алдырып “Гаааааз боса болды!” деп катуу кыйкырган учурда колундагы кичинекей баласы чочуп кеткени тартылган.

Кадрларда наристе алгач чочуп ыйлап жибергенин, бирок көп өтпөй тынчтанып калганын көрүүгө болот. Бул учур социалдык тармактарда тез тарап, колдонуучулардын жылмаюусун жаратты.

Интернет колдонуучулар “күчтүү мушкерлер да балдардын эмоциясынын жанында алсыз болуп калат экен” деп тамаша аралаш пикирлерин жазышууда.

Көпчүлүк пикирлерге ылайык, мындай учурларда балдар тез эле тынчтанып, ата-энесинин жанында кайра коопсуз сезимге кайтып келишет.

Автор: Айзада Кыдырмышева