Израил Ливандын түштүгүнө абадан сокку урду

Израилдин армиясы (ЦАХАЛ) Ливандын түштүк аймагындагы бир катар калктуу конуштарга абадан сокку урду. Жергиликтүү NNA агенттигинин маалыматына ылайык, Тир районундагы Бияд калктуу конушуна жасалган чабуулдан жабыркагандар бар экени кабарланды.

Маалыматка ылайык, соккулар Маараке, Тул, Хаббуш жана Шехабия райондорундагы объектилерге да багытталган. Чабуулдарда учкучсуз учактар колдонулуп, алар Бейрут шаарынын жана анын чет жакаларынын үстүнөн байкалган.

Учурда жабыркагандардын так саны жана келтирилген чыгымдар тууралуу маалымат такталууда.

Автор: Айзада Кыдырмышева