Хиллари Клинтон Байдендин кайра талапкер болушун чоң ката деп атады

АКШнын мурдагы мамлекеттик катчысы Хиллари Клинтон экс-президент Жо Байдендин экинчи мөөнөткө талапкерлигин коюу чечимин “өтө чоң ката” деп баалады.

Guardian басылмасынын маалыматына ылайык, Клинтон Нью-Йоркто өткөн иш-чарада Байдендин бул чечими өзүнө, саясий мурасына жана өлкөгө терс таасир тийгизгенин белгилеген.

Эске салсак, Байден 2024-жылдын июль айында Дональд Трамп менен болгон ийгиликсиз дебаттардан кийин президенттик жарыштан чыккан. Андан соң Демократиялык партиядан мурдагы вице-президент Камала Харрис талапкер болуп көрсөтүлгөн. Бирок ал шайлоодо Трампты жеңе алган эмес.

Автор: Айзада Кыдырмышева