Ингушетияда төрт күндөн бери 8 жаштагы Хизир изделүүдө (видео)

15-июнда Ингушетиянын Карабулак шаарында 8 жаштагы Хизир Дербичев сууга чөгүп бара жаткан досун куткарууга аракет кылып, Сунжа дарыясына агып кеткен.

Чет элдик басылмалар маалымдагандай, экинчи баланы чоңдор куткарып калууга жетишкен, бирок Хизирди дарыянын күчтүү агымы алып кеткен. Аны издөө иштери төрт күндөн бери күнү-түнү уланууда.

Издөөгө ӨКМдин куткаручуулары жана Түндүк Кавказдын ар кайсы аймактарынан келген ыктыярчылар тартылган. Жалпсынан издөө иштерине 20 миңден ашуун адам тартылган. Адистер Сунжа дарыясынын нугун жарым-жартылай өзгөртүп, суунун деңгээлин төмөндөтүшкөн. Ыктыярчылар чынжыр болушуп, бала агып кетиши мүмкүн болгон жерлерди кол менен текшерип жатышат.