Кыргызстан айлык маяна боюнча дүйнөдө 132-орунда жайгашты

Кыргызстан дүйнөлүк эмгек акы рейтингинде 132-орунду ээледи. "CEOWORLD" америкалык журналынын 2025-жылкы маалыматына ылайык, өлкөдө орточо айлык маяна айына болжол менен 335 долларды, улуттук валюта менен алганда 29 миң сомдон ашык сумманы түзөт.

КМШ өлкөлөрүнүн арасында:

Орусия - 32-орун;
Казакстан - 77- орун;
Түркмөнстан - 80-орун;
Беларус - 83-орун;
Армения - 89-орун;
Грузия - 90-орун;
Өзбекстан - 117-орун;
Кыргызстан - 132-орун
Тажикстан - 138-орунда.

Рейтингде эң жогорку орточо айлык Швейцарияда анын суммасы 8218 доллар болсо, эң төмөн көрсөткүчтөр Палестина жана Африкадагы бир катар өлкөлөрдө катталган.

Белгилей кетсек, 2025-жылдын январь-октябрь айларында Кыргызстандын орточо айлык маянасы 42 миң 919 сомду түзүп, бул болжол менен 491,3 долларга барабар болгонун Улуттук статистика комитети билдирген эле.

Автор: Замира Ниязбекова

11:54 29-06-2026

РУБРИКАДАГЫ СОҢКУ КАБАРЛАР