Израил “Темир купол” жана “Темир нур” системаларын сыноодон өткөрдү

Израилдин Коргоо министрлиги өлкөнүн абадан коргонуу системаларына жүргүзүлгөн кеңири масштабдагы сыноолор ийгиликтүү аяктаганын билдирди. Сыноолордо модернизацияланган “Темир купол” (Iron Dome) системасы жана жаңы “Темир нур” (Iron Beam) лазердик абадан коргонуу системасы биргелешип колдонулган. Бул тууралуу чет элдик басылмалар жазышты.

Маалыматка ылайык, сыноолор Коргоо изилдөөлөр жана иштеп чыгуу башкармалыгы менен Rafael Advanced Defense Systems компаниясынын катышуусунда өткөрүлгөн. Максат – ар түрдүү заманбап коркунучтарга каршы системанын натыйжалуулугун жогорулатуу.

Сыноолордо ракеталар, канаттуу ракеталар жана учкучсуз учуучу аппараттар сыяктуу ар кандай максаттар текшерилген. Ошондой эле жогорку интенсивдүү чабуулдарга каршы туруу мүмкүнчүлүгүн жакшырткан технологиялык жаңылоолор да колдонулган.

Министрлик бул жаңылоолор “Темир куполдун” согуштук шарттардагы эффективдүүлүгүн дагы да жогорулатат деп билдирет.

Автор: Айзада Кыдырмышева