WhatsApp телефон номерин жашыруучу жаңы функцияны ишке киргизет

WhatsApp мессенджери телефон номерин жашырууга мүмкүндүк берген жаңы функцияны киргизет. Бул тууралуу Meta компаниясына шилтеме берүү менен чет элдик басылмалар жазышты.

Маалыматка ылайык, жаңы мүмкүнчүлүк аркылуу колдонуучулар өздөрүнө уникалдуу колдонуучу атын (username) тандай алышат. Башка адамдар же компаниялар менен алгачкы байланышта телефон номеринин ордуна ушул ат көрсөтүлөт.

Компаниянын маалыматына ылайык, бул жаңылык колдонуучулардын купуялуулугун жогорулатууга багытталган. Айрыкча чоң топтук чаттарга кошулганда же бейтааныш адамдар менен алгачкы жолу кат алышууда телефон номери автоматтык түрдө көрүнбөйт.

Жаңы функция дүйнө жүзү боюнча жакынкы айларда этап-этабы менен ишке киргизилет.

Автор: Айзада Кыдырмышева