Трамп Иран менен АКШ сүйлөшүүлөрү тууралуу пикирин билдирди

АКШнын президенти Дональд Трамп Иран америкалык тарап менен болгон сүйлөшүүлөрдө Вашингтонго керек болгон талаптардын дээрлик бардыгына макул болгонун билдирди.

"Азыр биз сүйлөшүүлөрдү жүргүзүп жатабыз, ошондуктан анын жыйынтыгы кандай болорун көрөбүз. Менимче, алар бизге керек болгон талаптардын дээрлик баарына макул болушту", — деген Трамп CNBC телеканалына берген маегинде.

Ак үйдүн башчысы Тегеран менен сүйлөшүүлөр дагы эле уланып жатканын кошумчалаган.

Эске салсак, 18-июнда Иран менен АКШ аралыктан өз ара түшүнүшүү жөнүндө меморандумга кол коюшкан. Документте 28-февралда башталган аскердик жаңжалды токтотуу каралган. Ошондой эле меморандум АКШнын деңиз блокадасын алып салуу жана Ирандын Ормуз кысыгы аркылуу кеме каттамын калыбына келтирүү мөөнөттөрүн аныктамак.

Катарда 1-июлда меморандумдун пункттарын ишке ашыруу маселеси боюнча Катар жана Пакистандын өкүлдөрү жолугушкан.