Абдрахманов көчөсүндөгү үйдүн сырткы көрүнүшү жаңыланып, оргумалар курулууда

Бишкек шаарында ШКУ саммитине жана Дүйнөлүк көчмөндөр оюндарына карата аймакты көрктөндүрүү жана имараттардын сырткы көрүнүшүн жаңылоо иштери уланууда.

Биринчи Май райондук администрациясы маалымдагандай, Абдрахманов–Киев көчөсүндөгү имараттын сырткы көрүнүшүн жаңылоо иштери толугу менен аяктады. Мындан тышкары долбоор боюнча имараттын аймагына эки оргума куруу каралган.

Учурда эскирген коммерциялык объектилер демонтаждалып, оргуманын чөйчөктөрүн орнотуу иштери жүрүп жатат.

Автор: Меерим Кабылова
Фото: Биринчи Май райондук администрациясы