Владимир Путин президент Алмазбек Атамбаевди Сочи Олимпиадасынын ачылышына чакырды

Орусиянын президенти Владимир Путин өлкө башчы Алмазбек Атамбаевди Сочи олимпиада оюндарынын ачылышына чакырды. Муну бүгүн, 29-январда президенттин кеңешчиси Олег Панкратов билдирди. Айтымында, иш сапар учурунда А.Атамбаев Путин менен бейформал жолугушуу өткөрүп, анда Кыргызстандын Бажы биримдигине кирүүсү тууралуу сүйлөшөт.

Айта кетсек, Сочиде Олимпиада оюндары 7-февралда башталып, 23-февралда аяктайт.

Автор: Автандил Добулбеков