Францияда катуу ысыктан улам ооруканага кайрылгандар көбөйдү

Францияда аптаптуу ысыктан жабыр тартып, ооруканаларга кайрылгандардын саны арбыды. Медицина кызматкерлери жумуштагы мындай жүктөмдү коронавирус падемиясына салыштырып жатышат.

BFM TV телеканалы кабарлагандай, акыркы күндөрү бейтаптардын агымы 10-15 пайызга көбөйгөн. Бир нече ооруканалар көчмө кондиционерлерди сатып алышкан. Айрымдарында дагы деле жетишсиз болууда.

Ла-Рошель шаарындагы оорукананын директорунун орун басары Тьерри Монтурси бейтаптардын көп болуп жатканын коронавирус мезгилине салыштырган.

"COVID пандемиясына кайтып келгендей сезим калтырууда. Оор учур", - деген ал.

Франция, Бельгия жана Нидерландыда катуу ысыктан каза болгондордун саны 3,5 миңден ашканы айтылууда. Буга чейин серепчилер аномалдуу ысык Европаны 5 миллиард еврого чыгымга учуратарын божомолдошкон.