Орусиялык психолог Дзотов сынга кабылды

2-июлда орусиялык психолог Чермен Дзотовдун аялдар тууралуу айткан сөздөрү коомчулуктун нааразылыгын жаратып, азыркыга чейин талкуу болуп келүүдө.

Ал «ар бир сабалган аял, сабалгысы келген» жана зомбулукка кабылган адамдар муну аң-сезимсиз түрдө өздөрү каалаган деген маанидеги билдирүү жасаган.

Бул сөздөр аялдарга карата жек көрүүчүлүктү жайылтат жана зомбулуктун курмандыктарын күнөөлөйт деген сын-пикирлерди жаратты. Айрымдар анын психология жаатындагы ишмердүүлүгүн жана квалификациясын текшерүүнү талап кылышууда.

Чермен Дзотов өзүн «психология профессору» жана жеке академиянын жетекчиси катары тааныштырып келет.

Автор: Үммүгүлсүн Кеңешбекова