Францияда Фонтенбло токоюндагы өрт боюнча 2 адам кармалды

Бүгүн, 14-июлда Франциянын ички иштер министри Лоран Нуньес Парижге жакын жайгашкан атактуу Фонтенбло токоюнда чыккан өрт атайылап болушу мүмкүн экенин билдирди. Бул ишке шектелип, 2 адам кармалган.

Министрдин айтымында, быйыл жай мезгилинде өлкө боюнча атайылап өрт коюу учурлары көбөйгөн. Жалпысынан токой өрттөрүнө байланыштуу 59 адам кармалган, алардын 29у жашы жете электер. Алардын 7си бак-дарактарды атайылап өрттөгөнүн моюнга алып, сотту күтүп жатканы айтылды.

Эске салсак, Фонтенбло токоюндагы өрт 12-июлда башталган. Учурда өрт толук көзөмөлгө алына элек, жалын каптаган аймактын аянты 1,3 миң гектарга жеткен.

Франция бийлигинин маалыматына ылайык, 2026-жылдын башынан бери өлкөдө болжол менен 32 миң гектар жер өрттөнгөн, бул 2025-жылдын бүтүндөй көрсөткүчүнөн ашат.

Автор: Үммүгүлсүн Кеңешбекова