Индияда селден 19 адам каза болду (видео)

Кечээ, 19-июлда Индиянын бир катар аймактарында катуу жаандан улам капыстан сел жана жер көчкү жүрүп, кеминде 19 адам каза болду. Бул тууралуу чет өлкөлүк маалымат каражаттары билдиришти.

Өлкөнүн түндүк-чыгышындагы Нагаленд штатында 8 адам каза болуп, 15 адам жаракат алды. Ал эми Жамму жана Кашмир аймактарында дагы 11 адамдын өмүрү кыйылды. Мындан тышкары, аскер кызматкерлери 11 адамды, анын ичинде 5 баланы куткарып калууга жетишкен.

Нөшөрлүү жаан-чачындын уланышына байланыштуу бийлик Амарнатх жана Вайшно Деви ыйык жайларына жыл сайын уюштурулуучу зыяратты убактылуу токтотуп, өзгөчө кырдаал жарыяланды. Куткаруу иштери уланууда.