Ош. Бүгүн шаардын 2014-жылга карата бюджети боюнча коомдук угуу өтөт

Бүгүн, 31-январда шаардык кеңеште Ош шаарынын быйылкы жылга карата бюджетинин долбоору боюнча коомдук угуу өтөт. Бул тууралуу мэриянын басма сөз кызматы билдирди.

Шаар бюджетинин долбоору аймактагы мекемелер, кызматтардын башчылары жана Ош шаардык кеңешинин бюджет, экономика, каржы боюнча туруктуу комиссиясы тарабынан даярдалган. Эми жалпы коомчулуктун талкуусуна коюлат.

Ош шаарынын 2014-жылга бюджетин бекитүү маселесин шаардык кеңеш 5-февралда кезексиз сессияда карайт.

Автор: Аксана Паизова