Түндүк Кипрде жаракат алган Кыргыз кызынын учурдагы абалы айтылды

Түркиянын Түндүк Кипр аралында жаракат алган Кыргыз жараны жандандыруу бөлүмүндө дарыланууда. Бул тууралуу Тышкы иштер министрлигинен кабарлашты.

Берилген маалыматка ылайык, жабырлануучунун абалы оор бойдон калууда. Бүгүн, 5-августта кошумча операция жасоо пландаштырылган. 6-августта жабырлануучунун тууганы Түндүк Кипрге барышы мүмкүн.

Бул окуя боюнча өлкөнүн укук коргоо органдары тарабынан кылмыш иши козголгон.

Эске салсак, 3-августта Лефкоша шаарындагы супермаркеттердин биринде Кыргыз жараны бычактан жаракат алып, ага операция жасалган.

Автор: Меерим Кабылова