Жантөрө Сатыбалдиев: “Кумтөр” боюнча үлүштү 50 пайыздан ашыра албайм деп былтыр эле айткам”

“Кумтөр” боюнча үлүштү 50 пайыздан ашыра албайм” деп 2013-жылдын октябрь айында эле айткам”,- деди өкмөт башчы Жантөрө Сатыбалдиев “Ата Мекен” фракциясынын 31-январдагы жыйынында. Айтымында, үлүштү 50 пайыздан ашырууга эч кандай мүмкүнчүлүк болгон жок.

“Мен жаңы келишим алып келем” деп сиздерге убада берген эмесмин. Бир катар толуктоолор менен жаңы долбоорду алып келдик”,- деди өкмөт башчы.

Депутат Ташполот Балтабаев: “Кумтөр” маселесин чече албаса, өкмөт алына жараша иш кылсын. Колдон келбесе ордуңарды иштей ала тургандарга бошотуп бергиле”,- деди. Айта кетсек, жыйында “Кумтөр” боюнча өкмөттүн жаңы меморандумун кароо уланууда.

Автор: Автандил Добулбеков