Белгилүү балбан абактан бошотулду

Балбан Мурат Рамонов абактан бошотулду. Маалыматты бүгүн, 23-авгутта Бишкектин Биринчи Май райондук сотунун басма сөз кызматы тастыктады.

Маалыматта райондук сот мындай чечимди 10-августта кабыл алганы айтылат. Сот аны Кылмыш-жаза кодексинин "Баңгизат каражаттарын, психотроптук заттарды жана алардын аналогдорун сатып өткөрүү максатысыз мыйзамсыз даярдоо" беренеси боюнча күнөөлүү деп таап, 200 миң сом айып пул салган.

Эске салсак, Рамонов апрель айында баңгизат колдонуп алып унаа айдоого шектелип кармалган. Социалдык тармактарда Рамонов камакка алынган УКМКнын Бишкек башкармалыгын мурдагы башчысы Элдар Жакыпбековдун 40 чоросунун бири экени тууралуу маалыматтар тараган. Анын каймана аты Пахта экени айтылып келет.

Автор: Кылымбек Бейшеев