Бишкекте мыйзамсыз курулуштарга каршы рейддер уланууда

Бишкектин райондорунда жер тилкелерин мыйзамсыз басып алууга каршы жана уруксатсыз курулуштарды алдын алуу боюнча рейддер уланууда.

Мэриянын бүгүн, 10-сентябрдагы маалыматына караганда, Ленин районунда текшерүү учурунда мыйзам талаптарын бузган 4 факт аныкталган. Ал эми Свердлов районунда Нуркожо-Ата конушунда мыйзамсыз пайдубал куюу фактысы катталып, материалдар укук коргоо органдарына жөнөтүлгөн.

Биринчи Май районунда 2024-жылдан бери мыйзамсыз тургузулган 171 пайдубал жана бүтө элек курулуш объекти демонтаждалган. 2026-жылы Теңдик конушунда дагы үч мыйзамсыз пайдубал аныкталган.

Октябрь районунда 7-сентябрда үч мыйзамсыз курулуш фактысы аныкталып, курулуш иштери токтотулган. Ошондой эле Анар-Бак конушунда жерди өз алдынча басып алуу фактысы аныкталды.

Мыйзамсыз жер басып алуу жана уруксатсыз курулуштарга каршы көзөмөл иштери Бишкектин бардык райондорунда улантыларын муниципалитеттен билдиришти.

Автор: Замира Ниязбекова