Белгилүү музыкант Лео Рохас Сезимдин талантына суктанды (видео)

Эквадордук музыкант Лео Рохас кыргызстандык ырчы Сезим Коргонбаева менен бирге музыкалык аспапта ойноп, экөө дуэт аткарышты. Алар чыгармачылык жолугушуудан тартылган видеону кечээ, 9-сентябрда социалдык тармактагы баракчалары аркылуу бөлүшүштү.

Сезим Лео Рохас менен жолукканына кубанычта экенин айтып: "Эквадордук музыкант Лео Рохас менен жолугуп, бирге музыкалык аспап ойногонума абдан кубанычтамын. Сынга албаңыздар, убакыт аз болгонуна карабастан сиздерге бир шиңгил тартууладык",- деп жазган.

Ал эми Лео Рохас Сезимдин талантына суктанганын айтып, ага чыгармачылык ийгиликтерди каалаган. Музыкант бул тууралуу өзүнүн Instagram тарыхчасында белгиледи.