Баатырдын жүзү... Мыктыбек Оролбай уулу улуттук баалуулуктарды даңазалады (видео)

Кыргызстандык UFC мушкери Мыктыбек Оролбай уулу баатырдын образында тартылган видеосун социалдык тармактагы баракчасына жарыялады.

Кадрлардан мушкер соот кийип, кара ат минип, колуна Кыргызстандын мамлекеттик туусун кармап турганы көрүнөт. Артында тоолор жана улуттук жасалгалар тартылган.

"Мен эр жүрөк элдин урпагымын. Кыргызстаным, мен сени сүйөм",- деп жазган мушкер видеонун алдына.

Мушкердин бул образы кыргыз элинин салтын жана көчмөн маданиятын даңазалаган көрүнүшү менен күйөрмандардын көңүлүн бурду.

Автор: Замира Ниязбекова