Тарых жараткан мушкер Ражабали Шайдуллаев Кыргызстанга келди

Тарых жараткан мушкер Ражабали Шайдуллаев бүгүн, 11-сентябрда Кыргызстанга келди.

Эскерте кетсек, Шайдуллаев 10-сентябрда Япониянын Осака шаарында өткөн Super RIZIN 5 турниринин башкы беттешинде америкалык Эй Жей Маккини жеңип, эки чемпиондук курдун ээси болду. Ал RIZINдин жарым жеңил салмактагы чемпиондук наамын сактап, ошол эле учурда PFL'дин бош турган чемпиондук титулун алды.

Беттеш үч раундга созулуп, кыргызстандык мушкер калыстардын бир добуштан чечими менен жеңишке жетти. Ошентип, анын профессионалдык карьерасындагы жеңиштеринин саны 20га жетти.