Калкты азык-түлүк менен камсыздоого багытталган долбоорлор үчүн Орусия Кыргызстанга 3 миллион доллар бөлдү

Орусия калкты азык-түлүк менен камсыздоого багытталган долбоорлорду ишке ашырууга Кыргызстанга 3 миллион доллар бөлүп берди. Бул тууралуу Орусиянын Кыргызстандагы элчилигинин басма сөз кызматы кабарлады.

Маалыматка ылайык, бөлүнгөн акча айыл чарба тармагын өнүктүрүүгө жумшалат.

“Жарым жылдын ичинде Бириккен Улуттар Уюмунун Дүйнөлүк азык-түлүк программасынын жетекчилери бөлүнгөн грантты көпүрөлөрдү куруу, суу менен камсыздоо системдерин оңдоо жана токойлорду кеңейтүү боюнча долбоорлорго иштетет”,- деп айтылат маалыматта.

Автор: Нургазы Аматов