Азия оюндары: Абдурахман Муртазалиев коло байгеге ээ болду

Бүгүн, 3-октябрда Япониянын Айти-Нагойя шаарында өтүп жаткан XX Азия оюндарынын алкагында жиу-житсу боюнча мелдештен Абдурахман Муртазалиев коло байгеге ээ болду.

Кыргызстандык спортчу 85 килогарммга чейинки салмак ченинде күч сынашып, алгачкы беттешинде Кувейттин өкүлү Насер Абдулкаримди артыкчылык упайы менен жеңген.

Кийинки баскычта Камбоджанын өкүлү Моеун Лим Сопанханы 50:0 эсебинде мөөнөтүнөн мурда утуп, чейрек финалга чыкты. Чейрек финалда түштүк кореялык Сон Тэмуну артыкчылык упайы менен жеңип, жарым финалда Казакстандын өкүлү Мерей Кабдуллаевге 2:4 эсебинде жеңилип калды.

Коло медаль үчүн болгон беттеште Сингапурдун өкүлү И Аакус Хоу Юну 2:0 эсебинде жеңип, байгелүү орунга ээ болду.

Автор: Айжанар Рыспек кызы
Фото: интернеттен алынды