Асылбек Жээнбеков менен Франциянын Кыргызстандагы элчиси С.Катта кызматташтык боюнча сүйлөштү

Жогорку Кеңештин төрагасы Асылбек Жээнбеков 4-февралда Франциянын Кыргызстандагы элчиси Стефан Каттаны кабыл алды. Тараптар эки өлкөнүн кызматташуу келечеги, Кыргызстанда парламенттик демократияны өнүктүрүү жөнүндө пикир алышты.

Жээнбеков: “Кыргызстан Евробиримдиктин алдынкы өлкөлөрүнүн бири - Франция менен эки тараптуу мамилелерди өнүктүрүүгө кызыкдар”,- деди. С.Катта Франциянын Кыргызстандагы демократиялык өзгөрүүлөрдүн жүрүшүнө чоң кызыгуу менен байкоо салып жатканын билдирди. “Биз өз тажрыйбаларыбыз менен бөлүшүүгө даярбыз, бизге Кыргызстандын тажрыйбасы да кызыктуу”,- дейт элчи.

Кыргызстандын айыл чарба өнүмү атаандаштык түзө аларын айтып, француз ишкерлери кыргыз өнөктөштөрү менен байланышты жөнгө салууга кызыкдар экенин кошумчалады С.Катта.

Автор: Автандил Добулбеков