Дүйнө чемпиондугу: Бүгүн килемге Айпери Медет кызы менен Гүлнура Таштанбекова чыгат

Казакстандын Астана шаарында өтүп жаткан күрөш боюнча Дүйнө чемпиондугунда Кыргызстандын кыз-келиндер курамасынын алгачкы балбандары килем үстүнө чыгышат.

Алар 65 килограмм салмак ченинде күрөшкөн Гүлнура Таштанбекова жана 76 килограммга чейинки салмакта күч сынашкан Айпери Медет кызы болмокчу. Экөө тең беттештерди 1/8 финалдан башташат. Таштанбекованын атаандашы украиналык балбан болушу мүмкүн. Ал эми Медет кызы египеттик Самар Хамза менен беттешет.

Ошондой эле грек-рим күрөшчүсү Афтандил Таалайбек уулу молдовалык балбан Корнелиу Русу менен жубатуучу беттешке чыгат.

Автор: Замира Ниязбекова