Какаганга муштаган. Бишкекте жаран алдамчыга туш болгон

Бишкекте алдамчылыкка шектелип 30 жаштагы жаран кармалды. Бул тууралуу борбор калаа милициясы билдирди.

Маалыматка ылайык, ал жабырлануучуну жалпы 185 миң сом зыянга учураткан. Шектүү август айында анын iPhone 14 Pro Max жана iPhone 17 Pro үлгүсүндөгү телефондорун блоктон чыгарып берүүнү убадалап, телефондору менен бирге 15 миң сом алган. Бирок из жашырып кеткен.

Аталган факт боюнча Кылмыш-жаза кодексинин 209-беренеси (Алдамчылык) боюнча кылмыш иши козголгон. Шектүү убактылуу кармоочу жайга киргизилген. Учурда тергөө иштери уланууда.

Автор: Кылымбек Бейшеев
Фото: Бишкек ШИИББ