Голливуд жылдыздарынын өзгөчө үй жаныбарлары: Кызыктуу фактылар

Голливуд жылдыздарынын айрымдары үй жаныбары катары ит же мышыкты эмес, жапайы жана экзотикалык жаныбарларды тандашат. Алардын арасында үкү, жолборс, карышкыр, алтургай эшектер да бар.

Актриса Сальма Хайек бир нече жыл мурун эки үкү сатып алып, аларды колго үйрөтүүгө жетишкен.

Актёр Леонардо Ди Каприо жүз жылга чейин жашай алган чоң таш бака сатып алган.

Ырчы Жастин Бибердин Малли аттуу капуцин маймылы бир нече жыл анын үйүндө жашаган. Ырчы маймылды Германиядан жеке учагы менен мыйзамсыз алып чыгып кеткен. Кийинчерээк жаныбардын документтерине байланыштуу көйгөйлөр жаралып, андан баш тартууга аргасыз болгон.

"Күүгүм" (Сумерки) тасмасынын жылдызы Кристен Стюарттын Жек аттуу карышкыры болгон. Бирок жаныбар актрисанын апасынын фермасында багылары айтылган.

Мушкер Майк Тайсон бир нече жыл жапайы жаныбарларга кызыгып, үч жолборс сатып алган. Кийинчерээк Тайсон жолборсторун атайын коргоочу жайга өткөрүп берген.

Актриса Риз Уизерспун өзүнүн фермасында Хонки жана Тонки аттуу эки эшек баккан. Ал өз сөзүндө бул жаныбарлардын жоош жана боорукер мүнөзүн белгилеген.