Кыргызстанда заманбап көчөткананын курулушу башталды (видео)

Кыргызстан менен Түштүк Кореянын кызматташтыгынын алкагында Чүй токой аңчылык чарбасында заманбап көчөткананын курулушу башталды. Бул тууралуу бүгүн, 13-ноябрда Жаратылыш ресурстары, экология жана техникалык көзөмөл министрлиги билдирди.

Маалыматка ылайык, долбоор улуттук көчөтканалар системин өнүктүрүүгө, сапаттуу көчөттөрдү өстүрүүгө жана токойлорду калыбына келтирүүгө багытталган. Иш-чарага эки өлкөнүн мамлекеттик органдарынын өкүлдөрү катышып, тажрыйба алмашуу жана заманбап технологияларды киргизүү маселелерин талкуулашты.

"Иш-чаранын жүрүшүндө бак-дарактар отургузулуп, кыргыз-корей кызматташтыгынын символу катары көчөткананын курулушуна капсула салынды",- деп айтылды маалыматта.