Бишкектин Биринчи май районунда жол кыймылынын эрежелерин бузган айдоочуларга каршы рейд өткөрүлдү. Бул тууралуу бүгүн, 13-ноябрда мэриядан билдиришти.
Маалыматка ылайык, иш-чаранын жүрүшүндө унааларын токтотууга тыюу салынган жерлерге токтоткон айдоочуларга 14 административдик протокол түзүлдү. Мындан тышкары, ээлери аныкталбаган 5 унаа айып короого жеткирилгени маалым болду.
Белгилей кетсек, рейдди милициянын кайгуул кызматы райондук муниципалдык администрация менен биргеликте өткөрдү.