“Кумтөр” боюнча келишимди колдоп коюуну айтып депутаттарга киши жиберген эмесмин” деди өкмөт башчы

Бүгүн, 6-февралда парламент жыйынында өкмөт башчы Жантөрө Сатыбалдиев “Кумтөр” боюнча жаңы келишимди колдоп коюуга үгүттөп, депутаттарга киши жиберген эмесмин” деди. Айтымында, бул маселеде депутаттар өлкө жараны катары ойлонуп добуш бериши керек.

“Мен эч кимге киши жиберген эмесмин. Андай үгүттөө болбойт”,- дейт өкмөт башчы.

Эскерте кетсек, парламент жыйынында депутат Улукбек Кочкоров “Мага 5 адам келип, келишимди колдоп коюшумду өтүнүштү. Мындай нерсе көпчүлүк депутаттарга болуп жатканын билем” деген эле.

Автор: Автандил Добулбеков