Кышкы суукта электр жарыгын үнөмдөө, суу, жол көйгөйүнө көнгөн жаңы конуштун жашоосунан көз ирмем (фоторепортаж)

Кышкы суукта көйгөй айтып көңүл чөктүргөндөр да, кар киши жасап өзүнө жакшы маанай тартуулагандар да арбын.

Көйгөйдү көңүлгө албаган конуштун жаш тургундары күн жылый түшсө муз тебүүгө жөнөшөт.

Суук болгондо айрым таксисттер бир топ эле акча таап алышат экен. Алар конуштун башында турушат.

Жаңы конуш турмушу

Жаңы конуш турмушунан көрүнүш.

Жаңы конуш турмушунан көз ирмем.

Жаңы конуштардын башкы көйгөйлөрүнүн бири - жолдор.

Электр жарыгынан кийинки орундагы көйгөй - суу маселеси. Айрымдары көнүп калгандыктан, ташуунун жеңил жолдорун өздөштүрүп алышкан.

Суу ташуу көйгөйүнө бардык жашоочулар туш болушкан. Мында аял-эркек деп бөлбөй, суукта суу ташууга баары милдеттүү.

Сууга бай Кыргызстандын борбор шаарындагы конушта калк сууну күн сайын кезекке туруп алат.

Бир жарым жыл мурун орнотулган колонкалар жарактан чыккан.

Калича эже жумасына бир жолу тандыр нан жабат.

Электр энергиясына, отунга үнөм болот деп айрымдар тандырга нан жабышат.

Электр энергиясына чектөө киргизилгенине карабастан, электр мештерин колдонушат.

Бир мүшөк көмүр эки күнгө араң жетет.

Айрымдары терезесинен мор чыгарып алышкан.

Бир мүшөк жыгач отундун баасы 100 сом.

Суук болгондо көмүр жакшы өтөт. Мисалы, бир күндө 40-50 мүшөк. Мүшөгү 250 сом турат.

Кышында конуштун жашоочулары негизинен көмүр пайдаланышат.

Ак-Жар жаңы конушундагы учурдагы биринчи көйгөй электр энергиясы болуп эсептелет. Авариялык өчүрүүлөр көп катталат.

Балдар коңшу конуштардын мектептерине барып окушат.

Жаңы конуштарда суу, жол маселеси көнүмүш көйгөйгө айланган.

Бул жаңы конушта 10 миңден ашык калк жашайт. Басымдуу бөлүгү шаарда эмгектенет.

Жаңы конуштарга өлкөбүздүн бардык бурчунан жарандар келип жашап калышкан. Ак-Жар жаңы конушу.

Акыркы күндөрү Бишкек шаарында абанын температурасы -25°C чейин жетти. Мындан улам шаар тургундары электр энергиясын белгиленген чектен ашыкча колдонуп жатышат. Авариялык өчүрүүлөр да көп болууда. Мындай көрүнүш шаардын борбордук көчөлөрүндө жашаган тургундарга көп деле кыйынчылык жаратпайт. Бул учурда жаңы конуш жашоочулары көптөгөн кыйынчылыктарга туш болушууда. Суу алып келүү үчүн кезекке туруу, электр жарыгын үнөмдөө максатында от жагуу. Айтор, айтсаң бир катар түйшүк бар. Ак-Жар жаңы конушунун мисалында “Кычыраган суукта жаңы конуш кантти экен?” деген суроого жооп издеп көрмөкчүбүз.

Автор: Бекжан Рыскулов
Фото: Бекжан Рыскулов