Виталий Кличко: “Янукович менин түрмөгө камалышымды каалап жатат”

Украинанын президенти Виктор Янукович оппозиция лидери Виталий Кличкону түрмөгө камагысы келет. Муну 9-февралда Кличко өзүнүн интернет баракчасы аркылуу билдирди. Айтымында, акыркы жолугушуулардын биринде президент: “Кличко мырза, биз парламентти таркатып жибере алабыз. Андан кийин сизде иммунитет калбайт”,- деген.

“Юлия Тимошенко сыяктуу мени да түрмөдөн көргүсү келип жатат”,- деген Кличко президенттикке катыштырбоо үчүн Янукович болгон күчүн жумшап жатканын кошумчалайт. Буга чейин Виталий Кличко президент Януковичти Майданга келип, дебатка катышууга чакырган, бирок өлкө жетекчиси баш тарткан.

Автор: Автандил Добулбеков