Бишкек шаарындагы “Ала-Арча” кафесинде санитардык талаптарды бузуу фактысы аныкталды

Борбор калаадагы “Ала-Арча” кафесинде санитардык талаптарды бузуу фактысы аныкталды. Бул туурасында Бишкек шаарынын мэриясынын басма сөз кызматы бүгүн, 10-февралда билдирди.

Маалыматка караганда, Бишкек шаарынын санитардык-экологиялык инспекциясы жүргүзгөн рейддин негизинде аталган мекеменин кызматкерлери тарабынан Матыев көчөсүнө курулуш таштандыларын таштоо фактысы катталган.

Учурда кафенин жетекчисинин атына Кыргыз Республикасынын “Административдик жоопкерчилик жөнүндө” кодексинин 489-беренесине ылайык протокол түзүлүп, Ленин райондук административдик комиссиясынын кароосуна жиберилди.

Автор: Бекжан Рыскулов