Сочи: Алмазбек Атамбаев Олимпиадада Кыргызстандын намысын коргой турган спортчу Дмитрий Трелевский менен жолугушту

Президент Алмазбек Атамбаев 9-февралда Сочиде Кыргызстандын атынан Кышкы Олимпиада оюндарына катышып жаткан Дмитрий Трелевский менен жолугушту. Президенттик аппараттын маалыматтык саясат бөлүмү маалымдагандай, өлкө башчы Олимпиада оюндарында Кыргызстандын атын таанытып жатканы үчүн спортчуга ыраазычылык билдирди. Анын машыктыруучусунун эмгегин да белгиледи Атамбаев. Спортчу Кыргызстандын намысын коргоого болгон күчүн жумшай турганын айтты.

Автор: Автандил Добулбеков
Фото: Султан Досалиев