Бишкек: Жылуулук электр борборунан чыккан көмүр калдыктарын сатып жан баккандар (фоторепортаж)

ЖЭБдин калдыктары төгүлүүчү жайдагы бир көрүнүш

Бир мүшөк көмүрдү 100 сомдон сатышат. Өздөрүнүн кардарлары да бар. Тамак-ашынан тышкары айына 30 миң сомго чейин акча табышат.

Белек, 50 жашта. Бул жерде 15 жылдан бери иштейт экен.

28 жаштагы Алтынбек мырза. Ал дагы үй-бүлөсүн багыш үчүн жүргөнүн айтат.

ЖЭБдин калдыктары төгүлүүчү жайдагы бир көрүнүш

37 жаштагы Кубан мырза мектеп жашындагы 5 баласы бар экенин айтат.

Үй-бүлөсүн багуу үчүн кычыраган суукта суу кечип иштегендер

Бул жерде күнүнө 100гө жакын адам иштейт. Ар бири күнүнө жок дегенде 5 мүшөк көмүр чогултат.

Майда көмүрлөрдү суудан бөлүп алуу үчүн керектүү шаймандар

Бул жерде мындай түтүктөн төртөө бар.

ЖЭБден күйбөй калган майда көмүрлөр суу түтүктөрү аркылуу бул жерге төгүлөт.

ЖЭБдин калдыктары үчүн курулган дамба

Бишкектеги Жылуулук электр борборунан (ТЭЦ) күйбөй, жарактан чыгып калган көмүр калдыктары түтүктөр аркылуу Чүйдүн Лебединовка айылындагы атайын дамбага төгүлөт. Учурда ошол калдыктарды топтоп сатып, үй-бүлөсүн багып жаткандар бар. Бүгүн ошол жерге сапар алдык. Биз барган учурда суукка карабай суу кечип, 100дөй адам көмүрдүн майдасын чогултуп жүрүшүптүр. Бири-бири менен иштери жок, өз иштери менен гана алек. Бизди анча жактыра беришпей, “Силер жазып чыксаңар, эртең эле ырыскыбызга асылышат. Эптеп ушул жерден нан таап жатканда...” деп күңкүлдөп да алышты. Бирок иш үстүндө алардан бир топ маалымат алдык.

Айта кетсек, аталган дамбадагы көрүнүш менен кененирээк “Супер-Инфо” гезитинин жаңы санынан жана сайттын "Медиапортал" бөлүмүнөн таанышсаңыз болот.

Автор: Бекжан Рыскулов
Фото: Бекжан Рыскулов