“Чоң-Кемин” жаратылыш паркында илбирс, аюу, сүлөөсүн сыяктуу жапайы жаныбарларды сүрөткө тартуучу фотокапкандар орнотулду (фоторепортаж)

Жапайы жаныбарлар көбүнчө бийик тоолуу жерлерде жүрүшкөндүктөн, фотокапканды орнотууда 3000-4000 метр бийиктикке чейин чыгууга туура келет.

Фотокапкан тартып калган курандын (эликтин эркеги) сүрөтү

Фотокапкан тартып калган аюунун сүрөтү

Фотокапканга тартылган илбирстин сүрөтү

Фотокапкан тартып калган тоо текенин сүрөтү

Фотокапкан тартып калган кашкулактын сүрөтү

Фотокапкан

Фотокапканды кантип орнотуу керек экендигин Жаратылышты коргоо союзунун (NABU) Кыргызстандагы филиалынын өкүлү парктын кызматкерлерине үйрөтүп жатат.

"Чоң-Кемин" мамлекеттик жаратылыш паркынын көрүнүшү

Чүй облусунун Кемин районунда жайгашкан "Чоң-Кемин" мамлекеттик жаратылыш паркынын кызматкерлери иштеген жер.

Кечээ, 29-апрель күнү “Чоң-Кемин” жаратылыш паркында илбирс, аюу, сүлөөсүн сыяктуу жапайы жаныбарларды сүрөткө тартуучу фотокапкандар орнотулду. Муну менен Кыргызстандын аймагында кандай жаныбарлар бар жана алардын саны канча экендигин аныктоого болот. Аларды орнотуу иш-чарасына Курчап турган чөйрөнү коргоо жана токой чарбасы боюнча мамлекеттик агенттиктин, “Чоң-Кемин” жаратылыш паркынын жана Жаратылышты коргоо союзунун (NABU) Кыргызстандагы филиалынын өкүлдөрү катышышты. Өткөн жылы 16 фотокапкан орнотулса, быйыл 10 фотокапкан коюлду.

Айта кетсек, “Чоң-Кемин” жаратылыш паркынын жалпы аянты 123 миң гектарды түзөт. Анда өсүмдүктүн 630дан ашык түрү жана илбирс, сүлөөсүн, аюу, марал сыяктуу жаныбарлар бар. Парк 1997-жылы жаратылышты коргоо максатында уюшулган.

Автор: Бекжан Рыскулов
Фото: Бекжан Рыскулов