Бишкектеги Эне жана баланы коргоо борборунун гематология бөлүмүнө дем алууну көзөмөлдөөчү аппарат берилди

Эне жана баланы коргоо борборунун директору Камчыбек Узакбаев.

Бишкекте бүгүн, 30-апрелде Эне жана баланы коргоо борборунун гематология бөлүмүнө “Help the Children-SKD” кайрымдуулук фонду тарабынан 294 миң сомдон ашуун каражаттык дем алууну көзөмөлдөөчү атайын аппарат өткөрүлүп берилди.

“Жогорудагы кайрымдуулук фонду бизге 7 жылдан бери жардам берип келет. Бул жолкусунда биздин борбор муктаж болуп жаткан кан оорусу менен жабыркаган бейтаптардын кан тамырынын согушун, жүрөктүн иштешин жана анын согушун, дем алуучу органдарды көзөмөлгө алуучу 3 аппарат өткөрүлүп берилди.

Өз баласына жардам берүү - ар бир ата-эненин парзы, ал эми мындай оорулар менен жабыркаган балдарга жардам берүү жакшы адамдардын колунан гана келсе керек”,- деди аталган борбордун директору Камчыбек Узакбаев.

Автор: Мальвина Уметбекова
Фото: Мальвина Уметбекова