Аскат Мусабеков жеке концертинде элге жан дүйнө майрамын тартуулады (фоторепортаж)

Бишкек мэриясынын алдындагы эл аспаптар оркестри.

Аскат Мусабеков Бишкек мэриясынын алдындагы эл аспаптар оркестринин коштоосунда ырларды аткарды.

Көрүүчүлөрдүн көпчүлүк бөлүгүн улуу муундун өкүлдөрү түзүштү.

Ырчыны чыгармачылык кечеси менен куттуктап келген Мээрим Карыпова элге эки ырын сунду.

Концертте ырчы жалаң жандуу үн менен ырдап, залды жарды.

Ырчынын айрым чыгармалары театрлаштырылыптыр.

Арсен Өмүралиев атындагы Бишкек шаардык театрынын артисттери ыр окушту.

Ырчы мындай кооз гүлдестелердин бир канчасын алды.

Концерттин жүрүшүнөн.

Аскат Мусабековду "Миң кыял" жана "Агама" бий топтору коштоду.

Бүгүн, 14-майда Т.Сатылганов атындагы Улуттук филармонияда таланттуу ырчы Аскат Мусабеков жеке чыгармачылык концертин берди. Эл залга жык толуп, кече 18:30да башталды. "Жеке чыгармачылык концерт" деп аты айтып тургандай, кечеде Аскат жалгыз башкы ролдо ойноп, концерттин алып баруучусу да, аткаруучусу да өзү болду. Ал Бишкек мэриясынын алдында түзүлгөн оркестрдин, эл аспаптарынын коштоосунда жаңы жана убагында хит болгон ретро ырларды жандуу үн менен аткарып, залды шаңга бөлөдү. Келген элдин көпчүлүк бөлүгүн улуу муундун өкүлдөрү түзүп, алар сурантпай кол чаап, ырчыга кошулуп ырдап жатышты.

Албетте, ырчыны куттуктап келип, элге ыр арнагандар да болду. Алар: Мээрим Карыпова, Сыймык Бейшекеев, Токтобек Асаналиев, Алтынбек Каленов, Алтынбек Кадыралиев, "Чоро" тобу. Аскат булар менен дуэт, триолорду аткарганга жетишти.

Кайсы концерт бийсиз өтсүн?! Ырчыны бүгүнкү концертте "Миң кыял" жана "Агама" бий топторунун суйкайган кыздары бийлеп коштоп турушту. Концерттин дагы бир өзгөчөлүгү, ырчынын айрым чыгармалары театрлаштырылып, анда Арсен Өмүралиев атындагы Бишкек шаардык театрынын артисттери өз өнөрлөрүн көрсөтүштү.

"Концерттин эң негизги максаты - акча табуу эмес, бир-эки тепкич болсо да чыгармачылык деңгээлимди өйдө көтөрүү. Алгачкы концертимди 2008-жылы бергем. Албетте, кемчиликтер болгон. Аларды көрүп уялып, чыгармачылык акырындык менен оңолот турбайбы деген ойго жетелендим. Азыр ага караганда бир аз өсүп, репертуарым жаңы ырлар менен толукталып, жаңыча көз караштар пайда болду",- дейт Аскат Мусабеков бул концерти тууралуу.

Белгилей кетсек, бул концерт эртең, 15-майда да уланат.

21:13 14-05-2014

Аскат Мусабековдун театрлаштырылган концерти

Автор: Дамира Арстанова
Фото: Дамира Арстанова

Жазылуу

РУБРИКАДАГЫ СОҢКУ КАБАРЛАР

22:38 2024-04-26 | Кылмыштар, кырсыктар

Токтогулдун 60 жаштагы тургуну баңгизат менен кармалды 421 0

21:37 2024-04-26 | Саясаттагы соттук иштер

Шайлообек Атазов депутаттык мандаты боюнча Жогорку сотко кайрылды 947 0

21:23 2024-04-26 | Коом жана турмуш

Бишкекте техникалардын дөңгөлөгүн жуучу жабдуу орнотпогон курулуш компаниялары жабылат 599 0

20:49 2024-04-26 | Кылмыштар, кырсыктар

Ысык-Көлдө 17 жылдан бери издөөдө жүргөн шектүү кармалды 992 0

20:11 2024-04-26 | Коом жана турмуш

"Күтүп калбаңыз". Бишкекте бүгүн 20:30дан кийин №5 троллейбус токтотулат 479 0

19:54 2024-04-26 | СОТТУК ИШТЕР

Тилек Матраимов үй камагына чыгарылды 1439 1

Архив

Комментарийлер (10)

akzuura

2014-05-14 22:11:58

Ийгилик чыгарманызда коп жетишкендиктер болуп Балли деген созго татып журо бериниз унунузго Балтии!

aikol87

2014-05-14 23:13:48

Чыгармачылык ийгилик.

Nurzida-88

2014-05-14 23:22:10

Аябай таланттуу жан. Онору оркундой берсин. Сонун ырларды аткарат.

barmen

2014-05-14 23:27:30

Концерт сонун болду !!! Талатнызга таазим !!!

kaltunlu

2014-05-15 00:37:37

supsuluu ayalı bar emes bele korunboyt go...

Begimkyz

2014-05-15 00:59:54

Жакшы.

madina.00

2014-05-15 04:16:36

Азыркылар мурунку ырчылардын ырын ырдап таанылышчу болду... Ырчы дебей эле аткаруучу деп аташ керек экен,качан гана оздору аракет кылып,эмгектенип ыр жаздырышканда анан ырчы деш керек окшоп калды.

Tosix64

2014-05-15 05:04:32

Iwterinizge iygilik !!!! En myktysyz aman bolunuz!!!!!

taalay89

2014-05-16 01:29:30

Супер базар жок

Aelit

2014-05-16 09:33:02

Талант деп ушул баланы айтса окшошот , жогорку денгээлде болду концерти , театрлаштырылган ыры укмуш сонун экен , мен коп эле концерттерде болгом , бирок , эл ушундай колдоп , кайра кайра кол чаап , концертти ого бетер шандуу , кызыктуу кылышын аз корчумун . Бир соз менен айтканда эл ыраазы болуп кайтты . Уну сонун экен , А Токтобек байкебизге соз жок . Оркунунор оссун , азаматсынар !!!

Комментарий калтыруу үчүн өз ысымыңыз менен кириңиз же каттоодон өтүңүз.