30-июнда Бишкекте социалдык коргоого арналган тегерек стол болот

30-июнда Бишкекте Жогорку Кеңештин депутаты Ширин Айтматованын демилгеси менен 2012-2014-жылдарга карата социалдык коргоону өнүктүрүү стратегиясын ишке ашырууга жүргүзүлгөн баалоо жана мониторингдин жыйынтыгы боюнча тегерек стол болот. Бул тууралуу ЖКнын басма сөз кызматы билдирди.

Тегерек столдун максаты 2012-2014-жылдарга карата КРнын социалдык коргоону өнүктүрүү стратегиясын ишке ашырууга жүргүзүлгөн баалоо менен мониторингдин жыйынтыгын сунуштоо жана ошондой эле 2015-2017-жылдарга карата социалдык коргоону өнүктүрүү стратегиясын иштеп чыгуу үчүн сунуштар менен рекомендацияларды даярдоо болуп саналат.

Иш-чарага депутаттар Айнуру Алтыбаева, Наталья Никитенко, Ирина Карамушкина, Өмүрбек Абдрахманов, өкмөт мүчөлөрү, КРнын Президентинин, өкмөттүн аппараттарынын, жарандык коомчулук менен эл аралык уюмдардын өкүлдөрү катышат.

Автор: Дамира Арстанова