Ысык-Көл. Зордукталып, өз шымына муунтулуп өлтүрүлгөн эки кылмышты бир адам жасагандыгы айтылууда

Каза тапкан 32 жаштагы Гүлбарчынга тиешелүү SIM-карталар. Шектүү маркумдун "Самсунг" жана "Нокиа" үлгүсүндөгү 2 телефонун алып, SIM-карталарын ыргытып жиберген.

Маркумдун денеси табылган жер.

Кылмышка шектелип кармалган 22 жаштагы Адилет Кудайбергенов.

Маркумдун денеси көмүлгөн Челпек айылынын четиндеги чычырканактуу аймак.

Ысык-Көлдө зордукталып, өз шымына муунтулуп өлтүрүлгөн эки кылмышты бир адам жасагандыгы айтылууда. 16-июлда Ысык-Көл облусуна караштуу Ак-Суу районунун Челпек айылынын айланасындагы чычырканактын арасынан 32 жаштагы айымдын жерге көмүлгөн жансыз денеси табылган.

Облустук ички иштер башкармалыгынын кылмыш иликтөө бөлүмүнүн башчысы Тилек Тюкебаев кылмыш иши тууралуу: “Адамдын сөөгү кылмышка шектүүнүн өзүнүн берген көрсөтмөсү боюнча табылды. 32 жаштагы Гүлбарчын 11-июлдан бери издөөдө болуп, табылбай келген. Шектүү катары Ак-Суу районунун Бурма-Суу айылынын 22 жаштагы тургуну Адилет Кудайбергеновду кармадык. Ал кылган күнөөсүн мойнуна алып, сөөк көмүлгөн жерди көрсөтүп берди. 5 күндүн ичинде дене бузулуп, курттап кеткен. Шектүүнүн үстүнөн Кыргыз Республикасынын Кылмыш-жаза кодексинин 97-беренесинин 2-бөлүгү (өзгөчө мыкаачылык менен адам өлтүрүү) боюнча кылмыш иши козголду”,- деп билдирди.

Эске салсак, мындан бир жарым ай мурун, тактап айтканда, 7-июнда Ысык-Көл облусунун Ак-Суу районундагы талаадан зордукталып, өзүнүн кийип жүргөн шымы менен муунтулуп өлтүрүлгөн 17 жаштагы студент кыздын сөөгү табылган. Учурда бул кылмыш ишинин бети ачыла элек.

Өздүк маалымат булактарыбыздан жогорудагы 2 кылмыш ишинин мотивдери окшош болуп, 32 жаштагы Гүлбарчын аттуу айымды өлтүрүүгө шектелип жаткан Адилет Кудайбергенов 17 жаштагы студент кызды да өлтүрүүгө катыштыгы бар экендиги тууралуу көрсөтмө бергендигин билдиришти.

Ушул эки окуя тууралуу кененирээк "Супер-Инфо" гезитинин 25-июль күнү чыга турган 612-санынан окуй аласыздар.

Автор: Гүлжан Асанкожоева

18:17 22-07-2014

Жазылуу

РУБРИКАДАГЫ СОҢКУ КАБАРЛАР

22:14 2025-05-10 | Түркүн дүйнө

Пакистан Индия менен ок атышууну токтотуудан кийин аба мейкиндигин ачты 935 0

20:18 2025-05-10 | Түркүн дүйнө

Украина дүйшөмбүдөн тарта 30 күндүк ок атышууну токтотууга даяр экенин билдирди 1042 0

19:14 2025-05-10 | Түркүн дүйнө

Трамп Индия менен Пакистан ок атышууларын токтотконун жарыялады 1268 0

18:34 2025-05-10 | Саясат

Бишкектеги мектептердин бири казак президентинин атасынын наамын алды 1239 0

18:03 2025-05-10 | Спорт

Эркин күрөш боюнча улуттук курама Иранда өткөн мелдештен байгелүү кайтты 660 0

17:46 2025-05-10 | Коом жана турмуш

"Үй, дүкөн бузулуп". Ошто тосулуп калган унаа өтүүчү жол ачылды (видео) 2416 0

Архив

Комментарийлер (15)

Nariste...12

2014-07-22 18:36:02

Кудай сакта...
Бизде , айрыкча Кыргызстанда зордуктоо аябай коп...
Эмнеге???

orozali.krg

2014-07-22 18:37:54

кандай гана мыкаачылык

elgiz0890

2014-07-22 20:23:46

бизде карупция кучтуу ошон учун кылмыштар коп болот

draude

2014-07-22 21:33:08

elgiz0890, биринчиден Коррупция , экинчиден доодурой бербечи ,озу ошол айткан созундун маанисин эмес туура жазышты уйронуп алып анан кыйын болгулачы, бирдеме болсоле коррупцияя кучтуу деп эле митингден баш чыкпай калды,мындай нерсе жумушсуздуктан пайда болот ,не бироо бул маньяка акча бериптирби же ушул кызды олтур деп ?

byityshka

2014-07-22 22:11:11

draude,
Менимче Орозалинин айтуусу туура эле , коррупция бар учун коркпой деле кылмыш кылып атышат, себеби акча берип жазадан кутулуп кетсе болот... Кыргызбайский вариянт менен.

-2

Begimkyz

2014-07-22 20:28:23

Кудай кечирсин куноосун! Адамдык сапатты кайда жоготтук экен?!

gulperi.kg

2014-07-22 20:51:35

Соз жок просто жырткыч экен .Кайсы эне байкуш ушундай мыкаачыны тороду экен.Кайсы байкуш эне кызын ушул мыкаачыны олтурсун деп кызын тороду экен.

kaarman89osh

2014-07-23 02:10:56

манкурт

margun1990

2014-07-23 03:04:55

Психикалык жактан ооруйт окшойт.Кылган куноосу учун 1-закон алдында бул дуйнодо,2-орду келгенде аркы дуйнодо жооп берет!!!!

gulnaz21

2014-07-23 03:19:14

oi kudai emneler bolup jatat

Bella-life

2014-07-23 08:29:02

Балдарыбыз мектепке, садике акча төлөп барышат
анан келсе түрмөдө жаткан ушундай мыкаачыларды мамлекет багат экен да.
кандай гана акыйкатсыздык,
өлүмгө өлүм деш керек, бир эмес эки үч адамды өлтүргөндөн кийин жер үстүндө кантип басып жүрөт

L10bimka

2014-07-23 08:41:32

Кудай сакта...

Survey

2014-07-23 13:25:47

туура акча менен баарын бутурсо болот бизде кыргызстанда.менин жакын тууганымдын баласы педофилдин колунан жапа тарткан .оперлердин колуна кармап берсе 2 айдан кийин ошол бала кайра эле дагы бир орус кичинекей кызды зордуктады деп ммкада суроту менен чыгыптыраны да токойдо эс алып жургон орус улутундагы балдар коруп калып милиция келгиче качырбай кармап турган.колундагы бычагы аларга да кол салганга аракет кылганын айтып беришкен.ал бала дагы деле боштондукта болсо керек...

mansur1282

2014-07-23 15:57:10

кудайым бардык пенделерине ыйман,ынсап берсин

aizi85

2014-07-23 16:46:48

Мыкаачы ит тууган.

Комментарий калтыруу үчүн өз ысымыңыз менен кириңиз же каттоодон өтүңүз.