Ошто "медициналык факультетке өткөрүүнү убада кылып абитуриенттерден 300 миң сомго чейин акча алган" деген шек менен 6-курстун студенти кармалды

"Жогорку окуу жайына өткөрүүнү убада кылып, абитуриенттерден акча алган" деген шек менен ОшМУнун медициналык факультетинин студенти кармалды. Бул тууралуу 9-сентябрда ИИМдин Ош шаары жана Ош облусу боюнча башкармалыгынын басма сөз кызматы билдирди.

Маалыматка караганда укук коргоо органдарына шаардын үч тургуну арыз менен кайрылган. Алар Ош мамлекеттик университетинин медициналык факультетинин 6-курсунун студенти Саматов Курманбек окууга өткөрүүнү убада кылып, эки кыздан 150 миң сомдон, бир кыздан 120 миң сом алганын айтышкан. Бирок абитуриенттердин окууга өтпөй калганы белгилүү болгон.

Тергөө амалдарынын жүрүшүндө кылмышка шектүү эки жыл мурун өзүнүн айылдашы, 1996-жылы Ноокат районунда туулган С.Г. аттуу кыздан 3 миң доллар алганы аныкталган. Эки жыл аралыгында "окуп жатасың" деп алдап, баа коюлган жасалма зачёттук китепчени көрсөтүп келгени такталган. Укук коргоо органдары өзүн 2-курстун студенти деп эсептеген кыз Саматов Курманбекке ишенип окууга келбей жүргөнүн аныкташкан.

Жогорудагы фактылар боюнча иликтөө иштери жүрүп, шектүү тергөө абагына отургузулду.

"Бүгүн, 9-сентябрда милицияга жабыр тарткан дагы үч жаран кайрылды. Эки кыздын ата-энеси аталган факультетке кыздарын өткөрүү үчүн К.Саматовго 140 миң сом жана 300 миң сом берип, алданып калышканын айтышкан. Дагы бири төрт абитуриенттин атынан ортомчу болуп 12 миң доллар (ар бири үчүн 3 миң доллардан) бергенин билдирди" деп айтылат маалыматта.

Автор: Айпери Ганыжан кызы

18:56 09-09-2014

Жазылуу

РУБРИКАДАГЫ СОҢКУ КАБАРЛАР

10:52 2025-05-11 | Коом жана турмуш

ТИМ Стамбулда кармалган кыргыз мугалими үй камагына чыккандыгын билдирди 38 0

10:30 2025-05-11 | Түркүн дүйнө

Путин Украина бийлигин 15-майга Стамбулга чакырды (видео) 365 0

09:26 2025-05-11 | Кылмыштар, кырсыктар

Кантта унаасы менен дрифт уюштурган айдоочу айыпка жыгылды (видео) 343 0

09:05 2025-05-11 | Коом жана турмуш

11-майга карата Кыргызстандагы рубль менен доллардын курсу 495 0

22:14 2025-05-10 | Түркүн дүйнө

Пакистан Индия менен ок атышууну токтотуудан кийин аба мейкиндигин ачты 1631 0

20:18 2025-05-10 | Түркүн дүйнө

Украина дүйшөмбүдөн тарта 30 күндүк ок атышууну токтотууга даяр экенин билдирди 1499 0

Архив

Комментарийлер (17)

Dadin1

2014-09-09 19:07:14

Медик болууга окуп жатса уйундо олтуруп алып эле акча берип коюп,ой-тобоо кийн адамдарды кантип даарылайт ушул медиктерди ишке алаарда атайын комиссия тузуп сынактан откоруп анан ужмуш орундарын бериш керек болбосо даарылап жатам деп чекеден кырып ташташатко буларын.

K.Batken

2014-09-09 19:16:01

Dadin1, туура айтасын ушулардын артынан канчоосу олуп кетти..
Акча бербесен олуп атсан да кабыл алышпайт...жексурлар!медиктер ГАИлерденда ашып туштуда...

aikow92

2014-09-09 19:22:35

Ой баай Кудай ай, ооруп калгандан сакта. Акча берген адамдан сакта, акча алган адамдан сакта. Тообо акча берип медик болгончо көчө шыпыргылачы

ai_temir

2014-09-09 19:26:37

ОшМУда медицинскийде окугандар ушундайбы ээ. Кыйын болуп жүрүшөт негизи врач болом дешип. Саматовго окшогондор коп болсо керек. Уят эле, ОШМУ тазалан, коррупцияга батып кирдеп калган окшойсун

ayakosya

2014-09-09 20:09:36

ОшМУда бул кадыресе корунуш (озу ушул окуу жайда окуйм)

Sagidko88

2014-09-10 14:20:36

ayakosya, андай деле эмес, сен колледжде окусан керек Медфакта текшеруу кучтуу. Институт менен колледждин айырмасы чон.

Naimanka-kg

2014-09-09 23:09:03

Жегенинди куса турган убак келиптир да. Адалдан табылбаган акча жукпайт...... дейт беле?

iskend

2014-09-09 23:18:22

Чабак тушуп чон балыктар тушпойтко.

mersedes2013

2014-09-09 23:44:48

Менин билишимче Медицина окуу жайы акча менен эле бутушот студенттери.Оз козум менен коруп келатам .2чи авысынымды ОштМед Институтта 4курста окуп жургондо келин кылып алдык .3жылда бир барып окуган жок ,жалган айтпайм,сессияда барып акча менен бутуруп келип журду .былтыр окуусун аяктады ,дипломду алды.Эч нерсе билбейт бирок иштеп журот ,тан калам.Былтыр да кичине авысынымды ЖАГУнун мед училищада окуган кызды авысын кылдым ,ал деле бутуп атат акча менен,озу россияда журот .мына сага биздин Врачта

Seitbek.93

2014-09-10 00:39:50

Мунун эмнеси тан калычтуу?
Болуп эле келген нерсе

kanat_kyrgyz

2014-09-10 01:17:32

Студент ошондой иш кылса мугалимдери мындан жаман иш кылат. Медфакта окуп атам деп уйундо кантип отурат уялбай. ОШМУнун медфагын жаап салыш керек. Буткон студенттерин больинцага эмес моркода ишке албаш керек. Азыр больинцага жакшына барып, операциядан чыкпай калды, даарыларды которо албай олуп калды деген создорду кооп угуп калдым. Билимсиз врачтардын айынан олуп жатат. Гипакратын анты урат билимсиз врачтарды.

Dadin1

2014-09-10 11:57:18

kanat_kyrgyz, Буларын врач болсо урабы самозванец болсо каяктан урат.Буларды элдин каргышы урат.

baiysh0704

2014-09-10 05:43:54

Ой тооба кылдым десе,озум Баткенде турсам да оозум Ошту карап калды.

edico22

2014-09-10 09:29:43

Ушинтип окуп буткон студенттерге кийин ден-соолукту ишенип тапшыруу кандай гана коркунучтуу.Булар ичин ооруса бутунду кесет го!

asiret

2014-09-10 09:35:29

Суперчилер сураныч ушул иштин аягы эмне менен бүтөөрүн кабарлап тургулачы. Пара алган эле эмес бергендерди да жоопко тартыш керек деп эсептейм.

Dadin1

2014-09-10 11:58:19

asiret, Туура ошондо гана коррупция менен болгон курош алдыга жылат.

Dadin1

2014-09-10 12:02:58

Козу карындай быжырап осуп кеткен медициналык окуу жайларын бардыгын жаап салыш керек,Бир гана Мед.академияны калтырып.Башка шаарларда мед.училищаны эле калтырып.Ананда окууга тапшырып окуп жаткан студентерге талапты катуу коюш керек.. ЖОЖ окуп жатып акча берген студенттерди, акча алган мугалимдерди минимум 5 жылга камаш керек.

Комментарий калтыруу үчүн өз ысымыңыз менен кириңиз же каттоодон өтүңүз.