Эртең Бишкектин жана Чүйдүн айрым аймактарында электр жарыгы өчүрүлөт

Эртең, 5-ноябрда аба чубалгылары менен бир катар көмөк чордондорундагы оңдоо иштерине байланыштуу Бишкектин жана Чүйдүн айрым аймактарында электр жарыгы өчүрүлөт. Бул тууралуу "Түндүк электр" АККнын басма сөз кызматы билдирди.

Маалыматка ылайык, саат 09:00дөн 17:00гө чейин Бишкек шаарынын Чүй кең көчөсүндөгү №215, 217-көп кабаттуу үйлөрдө, Мурас-Ордо конушунда №2921, 44-трансформаторлорундагы оңдоо иштерине байланыштуу электр энергиясы үзгүлтүккө учурашы мүмкүн. Ал эми Төрөкул Айтматов, Курманжан датка, Жибек Жолу, Маяковский, Ленинградская, Абдрахманов, Күрөңкеев, Мичурин, Турусбеков, Ленская, Кронштадтская, Фучик, Волков, Кустанайская, Брестская, 9-январь көчөлөрүнө, Түп, Офицерский, Монгол, Клубный тар көчөлөрүнө “акылдуу” эсептегичтердин орнотулушуна байланыштуу электр жарыгы үзгүлтүккө учурайт.

Чүй облусунун Аламүдүн районуна караштуу Ленинское (Восточная, Коммунарская, Южная көчөлөрү), Мыкан (Линейная, Гэсовкая көчөлөрү), Гроздь, Бирлик (Новая, Молодёжная көчөлөрү), Байтик, Кашка-Суу, Баш-Кара-Суу (“Дюмон” ЖЧК, “Курулуш”, “Башкент”, “ЛТО”, “Энерготрейд”), Степное, Озёрное айылдарында, Жайыл районуна караштуу Кара-Балтадагы Кара-Балта, Макаренко, Тимирязев көчөлөрү) шаарында, Новониколаевкада (Центральная, Энгельс, Кыргызстандын 40 жылдыгы көчөлөрүндө) жарык өчөт.

Мындан сырткары Ысык-Ата районундагы Новопокровка (Кирпичная 1-21, Ленин 103-135, Садовая 2-24, Строительная 3-35, Мичурин-6 көчөлөрү, "Норус" дүкөнү тарап) айылында, Чүй районундагы Чүй (Гагарин, Новая, Береговая, Школьная, Шоссейная, Советская көчөлөрү, Маданият үйү, бала бакча) айылында ГЭС-4, “Бирлик”, “25-лет Киргизии”, “Орто-Алыш”, “Майская”, “Нижняя Ала-Арча”, “Калининская”, “Новопокровка”, "Токмок” көмөк чордондорунан тараган 10/6 кВт аба электр чубалгыларындагы оңдоо иштерине байланыштуу электр жарыгы үзгүлтүккө учурашы ыктымал.

Автор: Айпери Ганыжан кызы