Соцфонд: Быйыл пенсия жана жөлөк пулдар үчүн 26 миллиард сом жумшалды

Кыргызстанда 2014-жылдын 10 айында пенсия жана башка социалдык төлөмдөргө 26 миллиард 323 300 сом жумшалды. Муну бүгүн, 18-ноябрда Социалдык фонддун басма сөз кызматы билдирди. Маалыматка таянсак, Социалдык фонддун пенсия үчүн карызы жок. Мекеме аскердик кызматкерлердин пенсиялары, жеңилдетилген пенсиялар, электр энергиясын колдонуу боюнча компенсациялык төлөмдөргө республикалык бюджеттен бөлүнчү акча толук берилгенин билдирет. Мамлекеттик топтолмо пенсиялык фонддун каражатынан 10 айда 898 пенсионерге 81 миллион 18 миң сом пенсия берилгени айтылды. 1-октябрга карата өлкөдөгү пенсионерлердин саны 588 560 экенин кошумчалады Соцфонд.

Автор: Автандил Добулбеков