Путин: "Америка бизди багынтып алууну көздөйт. Эч ким муну кыла алган эмес, кыла албайт дагы"

"Америка бизди кемсинтип эмес, багынтып алгысы келүүдө. Эч ким муну кыла алган эмес, кыла албайт дагы",- деди Орусиянын президенти Владимир Путин. Муну ал кечээ, 18-ноябрда жалпы орусиялык эл фронтунун "Форум действий" иш-чарасынын пленардык отурумунун жүрүшүндө ага берилген суроого жооп берип жатып айтты. "Ал биздин күчүбүз менен өзүнүн көйгөйлөрүн чечкиси жана бизди өз таасиринин алдында калтыргысы келет. АКШнын колунан өз шериктерин багынтуу келүүдө. Тилекке каршы, ушул шериктердин көбү өз улуттук кызыкчылыктарына зыян келтирип, башка бирөөнүн улуттук кызыкчылыктарын коргоого аракет жасап жатышат. Бул ачык эле көрүнүп жатат",- деди Путин.