Турсунбай Бакир уулу Кыргызстанда чыныгы атаандаштык мүнөздөгү парламенттик шайлоо 2010-жылы болгонун айтты

Жогорку Кеңештин депутаты Турсунбай Бакир уулу жакында Минск шаарында өткөн "Көз карандысыз Мамлекеттер Шериктештиги аймагындагы шайлоо процесстери" аттуу эл аралык конференцияга катышты. Парламенттин басма сөз кызматы бүгүн, 19-ноябрда билдиргендей, жыйында депутат Кыргызстандагы шайлоо системи тууралуу баяндама жасады жана 2000-2011-жылдар аралыгында Кыргызстанда өткөн парламенттик, президенттик шайлоолор боюнча маалымат берди. "Эгемендүү Кыргызстандын тарыхында чыныгы атаандаштык мүнөздөгү парламенттик шайлоо 2010-жылы болду. Муну менен өлкөдө саясий атаандаштык күчөдү",- деп билдирди Бакир уулу.

Депутат таза шайлоо туруктуулук менен коопсуздуктун негизи экенин белгилеп, буларды кошумчалаган:

"Ачык жана таза шайлоо адилеттүү бийликти түзүүгө жол ачат. Куранда айтылат: "Ар бир элдин пейилине жараша башчы берем" деп".

Автор: Автандил Добулбеков