Депутаттар бир күндүк маяналарын Ысык-Көлдөгү жер титирөөдөн жабыр тарткандарга беришет

Жогорку Кеңештин 26-ноябрдагы жыйынында депутат Дастан Жумабеков парламент депутаттарына Ысык-Көлдө жер титирөөдөн жабыр тарткандарга бир күндүк маянасын которуп берүүнү сунуш кылды. "2 миңден ашуун үй-бүлө чыгымга учураптыр. Бир күндүк айлыгыбызды берели, мүмкүн, көмүр алышат же башка курулуш иштерине коротушат",- деди депутат.

Мындай сунушту депутаттар колдоого алышты. КСДП фракциясы тарабынан депутаттардын 2 күндүк айлыгын которуп берүү чечими бар экени айтылды.

Эске салсак, 14-ноябрда Ысык-Көлдө жер титирөө катталган. Эсептөөлөргө ылайык, келтирилген чыгымдын көлөмү болжол менен 90 миллион сом деп бааланууда.

Автор: Жамалидин Парманкулов