Кыргызстанда 2 аптада "кайрылман" статусу бар 300 үй-бүлөгө жер тилкеси берилди

Кыргызстанда акыркы 2 аптада "кайрылман" статусу бар 300 үй-бүлөгө жер тилкелери берилди. Маалыматты бүгүн, 27-ноябрдагы парламент жыйынында эмгек, миграция жана жаштар министри Алиясбек Алымкулов билдирди. Министрдин билдиришинче, аларга 10 сотыхтан жер тилкелери берилди. "Жер тилкелери мамлекет тарабынан бекер берилет",- деди Алымкулов. Жыйында депутаттар кайрылмандар отурукташчу жерлерди да эске алуу керектигин, алар суу чыкпаган, шарты катаал аймактарга жайгаштырылбашы зарылдыгын айтышууда.

Автор: Автандил Добулбеков